Almaniya və Azərbaycan dekabr ayında enerji sektorunda əməkdaşlıq perspektivlərini müzakirə etməyi planlaşdırır. Bu barədə "Report" Alman-Azərbaycan Ticarət Palatasının (AHK Azərbaycan) Maraqli Tərəflərlə Əlaqələr və Tərəfdaşlıq şöbəsinin rəhbəri Yuliya Egelin "Azərbaycanda İnfrastrukturun İnkişafı, Elektromobillik və Bərpa Olunan Enerji Saxlama Həlləri" vebinarındakı çıxışına istinadən xəbər verir.
Egel qeyd edib ki, Almaniya tərəfi dekabrda enerji sektorunu təmsil edən işgüzar nümayəndə heyətini Bakıya göndərməyi planlaşdırır.
"Proqram həmçinin Azərbaycanın Energetika Nazirliyinin nümayəndə heyəti ilə görüşü də nəzərdə tutur və burada birgə iş imkanları nəzərdən keçiriləcək", – Egel vurğulayıb.
https://report.az/energetika/berlin-ve-baki-enerji-sahesinde-emekdasligi-muzakire-edecek