Azərbaycan və Monteneqro enerji sahəsində əməkdaşlığın genişləndirilməsinə, yeni tərəfdaşlıq imkanlarının və birgə layihələrin inkişafına sadiqdir.
2025-ci il fevralın 23-də Azərbaycanın energetika naziri Pərviz Şahbazov Bakıda Monteneqronun energetika və mədən sənayesi naziri Saşa Mujoviç ilə görüşüb. Görüş zamanı ölkələr arasında enerji əməkdaşlığının genişləndirilməsi, xüsusilə yaşıl enerji və elektrik enerjisinin ötürülməsi sahələrində birgə fəaliyyət müzakirə edilib.
Nazirlər bərpa olunan enerji və enerji infrastrukturunun inkişafı sahəsində strateji əməkdaşlığın əhəmiyyətini vurğulayıblar. Görüşdə Monteneqronun Azərbaycanın yaşıl enerji layihələrində iştirak perspektivləri və Azərbaycanın Avropaya enerji ixracının Monteneqro vasitəsilə həyata keçirilməsi imkanları müzakirə olunub.
Hər iki tərəf enerji tərəfdaşlığını daha da möhkəmləndirmək əzmini bir daha ifadə edərək, enerji keçidi hədəflərinə uyğun birgə təşəbbüslərlə bağlı danışıqları davam etdirmək barədə razılığa gəlib.
https://report.az/energetika/azerbaycan-ve-monteneqro-enerji-terefdasligini-guclendirmek-niyyetindedir/